زمان أيام ما كنا بنسافر كتير ,كان لينا طريقين ... الطريق الزراعى و احنا رايحين طنطا و كفر الزيات لأعمامى
و الصحراوى لأخوالى فى القاهرة
طبعا كان أخفهم وطئا هو الصحراوى ,يعنى العربية بتبقى سرعتها ثابتة
و الهوا نقى و منظر الصحرا المفتوح بيريحنى
على عكس الزراعى ترع و مصارف و روايح و زحمة و زفتى و كوبرى بنها و رجرجة و ...... المهم
الطريق الصحراوى كان ملهم جدا
طول الطريق بفكر فى حجات نفسى اعملها وف ازاى هيكون بكرة - اللى هو اليومين دول- وقتها كنت فى اعدادى
و محددتش هبقى ايه بالضبط بس كنت عارفة انى هبقى حاجة علمى
بالمناسبة انا عمر ما كان طموحى ابقى دكتورة
و الصيادلة مكانوش بيمثلولى حاجة مهمة اوى بصراحة
فاضطريت ايام ثانوى انى اقنع نفسى بطب الاسنان و هدفه السامى
لأن مفيش حد مجنون او عاقل فى مصر يستجرى يقول عايز ادخل علوم
بس الحمدلله مكتب التنسيق تولى المهمة عنى و طلعنى فى صورة الضحية اللى يا عينى دخلت علوم ب %95
نرجع عالصحراوى تانى
كانت اكتر فكرة بتلح على هى -احم- تعمير الصحرا
وبما ان ده مستحيل لوحدى فدخلت أصحابى و اقاربى معايا قهرا فى الهلوسه دى
و قررت دور كل واحده منهم و قسمت المهام
وقررت مهام أزواجهم كمان - أيوة جوزتهم أكيد مش هنروح الصحرا لوحدنا
اشترينا ارض كبيرة و قسمناها
و حسب تخصصاتنا
بتوع زراعة هيزرعوا كل محاصيل الموسم و كله اورجانيك و طبيعى
هيكون فى مزرعة حيوانات -زى بتاعة الجدة بطة- مواشى و طيور و أرانب و بالتالى لبن و بيض
مكنتش اعرف ساعتها ان المزارع السمكية دى حاجة حلوة- لو اتعملت صح- بس بما انى عرفت قررت ادخل الاوبشن ده
هنحفر بير مية و نجيب مولد كهربه و كده كده هنام بدرى عشان نصحى بدرى نشتغل فاستهلاك الكهربا هيكون على قد الشغل
هنبنى بيوت صغيرة بالحجر الدبش شكله ظريف و مش مكلف و هتبقى بسقف مايل و مدخنة و مبنيه فى صفين قدام بعض
دى مهمة المهندسين و اى حد لى خبرة فى الموضوع ده
هنعمل وحده طبية صغيرة للاسعافات الاولية -على بال ما نبيع المحصول
وقدام شوية نبقى نعمل مدرسة لأولادنا
طبعا هتكون على أعلى مستوى
و هنعمل ملعب ,الجون مابين طوبتين طبعا
و مش لازم تنس مالو الراكيت يعنى
و التنقل يبقى بالعجل
و ........ الصحرا خلصت و السندباد بان
و بدأت الحته الوحشه من الطريق بس مش مهم
بيت خالو قرب
........
السلام عليكم
ReplyDeleteنقول الاول حمد الله علي السلامة
ثانيا الهلاوس دى العادي بتاعنا في بلد زى دي بس بعيدا عن البلد والهلاوس فكرتك ممكن تجوز
ايو الله ممكن مش بهزر بس بعدين بأة بعد عمر الله اعلم ممكن يبقي كتير او لا
المهم تنفذيه وعلي فكرة المشاريع الحياتية الكبيرة بتاعت اي انسان بدأت بهلوسة وحلم
بس المهم ان الانسان دة خدتها جد حبتين وربنا كرمه ولو تعرفي الهلوسة بتاعتي اكيد ستتهميني بالحنون بس بلاش اقولهولك
علي العموم تحياتي لهلوستك
انا برضه ببقى عمال شغال مع نفسى كده طول فترة السفر
ReplyDeleteلسه بتفكرى فى موضوع القرية الذكية ده لسه ولا خلاص
و عليكم السلام يا هيثم
ReplyDeleteالله يسلمك :)
أنا عارفه انه ممكن ده كمان هيبقى تحدى جامد جدا
و أحب أعرف هلوستك على فكرة أنا رافعة شعار الهلوسة للجميع
قبلاوى
ReplyDeleteلسه طبعا بفكر فيه بس بتوسعات و أفكار مخلياه أكثر استحاله
ده غير ان الناس اللى دخلتهم قهرا فى الهلاوس دى زمان بقوا اشباح ذكريات دلوقتى
البيت إللى فى الصورة فوق دا زى العسل
ReplyDeleteتعرفى ....مشكلة الناس الحالمين إن لما الحياة بتكشف عن حقيقتها تدريجيا قدامهم و بيصطدم قاربهم برصيفها إنهم بيفضلوا فترة طويلة رافضين الواقع دا
و بيفضلوا مستمرين فى عالمهم الجميل الإفتراضى و فى هذه الأثناء بيكون الواقع ما زال بيتغير بشكل تدريجى و بعد فترة لما بيخرجوا يبصوا على العالم الخارجى بيفاجئوا إنه إتغير أكتر من الأول فيحاولوا يتأقلموا بس بصوة أبطأ لإنهم مازالوا متمسكين بقضاء الكثير من الوقت فى العالم الإفتراضى
فلما يتكيفوا شوية يرجعوا تانى يبصوا من الشباك يتفاجئوا إن الدنيا جريت بمعدل أسرع و درجة تكيفهم إللى كانت تنفع من سنة معادتش تنفع دلوقتى و هكذا و هكذا ....
و بكدا تكون سرعة التغيير الواقعية أسرع دايما من سرعة تكيفهم
و دا بيخلق مسافة كبيرة بتتسع بشكل مطرد بين أحلامهم و طموحاتهم و خيالاتهم و بين الواقع المتجدد المتغير المفروض عليهم
و بالتالى عند مرحلة معينة دا بيضعهم قدام خيار من إتنين
إما إنهم يلفظوا عالمهم الإفترضى الجميل و يسقطوه من حياتهم و تفكيرهم علشان يقدروا يستحملوا و يرضوا بالعالم الواقعى
و إما إنهم يتقوقعوا بداخل خيالاتهم و عوالمهم الخواصة
و فى كلتا الحالتين فقد منعهم الواقع من أن يعيشوا كما أرادوا
*******
بس برضه فكرة المجتمع الجديد الشاب البكر فى قلب الصحرا دى فكرة ساحرة و خلابة
بس غريبة يعنى إزاى الموضوع دا كله مفيهوش بحر ولا مية
ReplyDeletel shee2 l zareef eli ektshfto ba3d matkhragt(w 3amlt mashro3 l takhrog tatbee2 li mashro3 farou2 l baz), en ta3meer l sa7ra msh bas bil zera3a, e7na mafhomna 3an ay tanmya aw ta3meer byn7ser fi "3ayzenha teb2a khadra, l ard eli fil sa7ara" :D bas l mwdooo3 kbeeeeeeeeeer :D w baseet walahi ka fekra bas hat2oli eh ba2a :S
ReplyDeletelw 3ayzen mohndesen ana fil khedma :D
بجد وحشتيني قوي
ReplyDeleteكنت بافكر فيكي من يومين كدا وبقول هي راحت فين كل المدة دي!
حمد الله علي سلامتك
:)
This comment has been removed by the author.
ReplyDeleteاولا حمدالله علي السلامة... ايه الغيبة دي كلها؟؟؟ يارب يكون المانع خير...
ReplyDeleteثانيا بقي ندخلي علي البوست... بتفكريني بكل الهلاوس ال كانت بتهجم علي تفكيري تحت تأثير الصحرا...
بس انتي هلاوسك معمرة...
جميلة اوي احلام نزرع ال بنكله وناكل البنزرعه... بس للاسف التنفيذ صعب....
علشان الشاب ياخد حتة ارض صحراء جرداء لازم بمر بكل التعقيدات الحكومية المتوارثة من ايام احمس الاول.. وكل الروتين المقرف.. وبعد ده كله هيجي البنك ويحجز علي الارض ويسجن صاحبها.... لكن لو ربنا كرمه ونجح... غالبا برضو هيتحجز علي الارض لسبب من اتنين ... اما التنقيب عن الاثار او البترول... او علشان مشرووع سياحي...
احبطتك؟؟ معلش.... اصل انا محبط...
بس علي كل .. الفكرة نفسها جميلة...
وعموما يستي يوم متفتحي قريتك الذكية... هسيب القرية الذكية بتاعة الحكومة... وهاجي اشتغل معاكي...
اخيرا... متغبيش علينا كده تاني
هراء
ReplyDeleteالبيت تحفة بصراحة أنا لما شفته قلت يا ريتنى كنت أرنب :D
مسروق من
deviant art :D
عارفه جدااا اللى انت بتقوله ده
انا شغاله بالطريقتين اصلا
يعنى الواقع مش مكفينى او رتمه بطئ ,اتوماتيك بحول على ارض الخيال و بعيش
و ده عاملى مشكلة لانى بصدق و ممكن جدا اتصرف على اساس الاوهام دى
خبلااان يعنى
http://oceanfragrance.blogspot.com/2009/09/searching-for-identityl.html
الموضوع مفيهوش بحر لان ساعتها مكنش فى علوم بحار اصلا لحد تانيه كليه مكنش ضمن الاختيارات عندى
بس وجوده دلوقتى مخلى الهلاوس دى تتطور لخيال علمى
ومعايا الموضوع ده معدى (من عدوة) خليت كل اللى حواليا كمان يهلوسوا فبقت هلوسة علمية جماعية
مش هقول كل حاجة فى الكومنت عشان اعرف اكتب بوست كمان :D
deppyyyyyyyy
ReplyDelete>:D<
yabnty sa3et-ha el fekra kant eny ana we so7aby yb2a leena mogtama3 5aas b our own rules b3aaed 3an el mogtma3 el molawath elly barra utopia ya3ny :D:D
ana 3arfa en ta3meer el sa7ara mosh moagrad zera3a bas el zera3a 5atwa asaseya feh
5sosan fe masr 7aytho keyam el 7adara mortabet bel wadi el a5dar :D
and greaaaaaaaaaaaaaaaaaaaaaaat :)
now we have an engineer ya gama3aaaaaa meeen y7eb yendam(y-join ya3ny :D ) m3ana hena
رووووونــــى
ReplyDeleteالله يسلمك
انتى كمان وحشانى
معلش هى ساعات بتطلب معايا الصمت الرهيب كده بس ببقى موجودة و متابعة
أبو على
ReplyDeleteالله يسلمك يا فندم
خير يا ابو على بس هو فى اوقات كده الكلام مبيبقاش ليه معنى و مفيش جملة مفيدة فبسكت :D:D:D
عادى :)
ههههههه
يا سيدى و لا احباط و لا حاجه انا برده من هنا
:D:D
احنا ندور على حد وارث الارض من جد جده ويكون مقطوع من شجرة ندخله شريك
و بعدين متسيبش قرية الحكومة هنحتاج حلقة وصل بردو
شكرا :)